Sail ofiziala

Sinopsia:

Maroko eta hango soinu paisaia ezagutuko ditugu film honetan, Oum lagun dugula, Marokoko kantagintza modernoaren urrentxindorra. Marrakecheko abeslariak herri batetik bestera eta musika estilo batetik bestera eramango du Fermin Muguruza, eta, harekin batera, ikuslea bera, tradizioaren eta modernitatearen arteko joan-etorri etengabean. Tetuanen, Chekara Orkestraren zuzendariarekin elkartuko gara, eta Granadarekin duen erlazioaz eta flamenkoaren eraginaz egindako gogoetaren berri emango digu. Meknesen, H. Kayne rap taldeak tradizioarekin dituen tirabirez hitz egingo digu, eta rap musika "ihesbide bakar" gisa erabiltzearen esperientzia azalduko digu. Hiriburuan, Rabaten, Hamid El Kasrik eta haren taldeak gnawa musikako kontzertu zirraragarria eskainiko dute; Marrakechen, gonbidatu gisa hartuko gaituzte anfitrioiaren gurasoen etxean, eta houara musikaz nahiz -aurrerago- Karima Skalli idolo nazionalaren ahotsaz gozatuko dugu. Casablancan, Hoba Hoba Spirit taldearen rock mestizoa ezagutuko dugu ("I'm not a terrorist" umoretsuaren bidez), eta DJ Key raperoa. Kultura autoktonoaren eta askotariko musiken printza zoragarriak, kaleidoskopioko koloretako piezen distira eta izaera berdingabea.

Fermin Muguruza musikaria ausart aritu da, beste behin ere, kameraren atzean oraingoan, Marokoko soinua ikertzen.

Datuak:

• Zuzendaria: Fermín Muguruza
• Urtea: 2011
• Herria: Qatar, Spain
• Iraupena: 100 min.
• Hizkuntza: Arabic
• Azpitituluak: JBA
• Filmaren webgunea: http://www.nextmusicstation.com
• Jaialdiak: DocsDF
• Protagonistak: Orquesta Chekara de Tetuan, OUM, H-Kayne, Hamid el Kasri, Karima Skalli, Khadija El Ouarzazia
• Gidoigilea(k): Fermín Muguruza
• Editorea(k): Asier Garcia
• Kameraria: Jordi Abusada
• Musika diseinatzailea: Angel G. Katarain
• Produktoreak: Natalia De Ancos
• Produkzio etxea: Talka Records & Films
• Banaketa etxea: Talka Records & Films

Trailerra ikusi

Sarrerak erosi