Usurbil, 1987. Batez ere ahotsarekin eta irudiarekin lan egiten du, batzuetan modu bereizian, eta biak erlazionatuz beste batzuetan. Bilbon argazki-zuzendaritzako ikasketak egin ondoren, ikus-entzunezko eta musikako lanak eta eszenikoak uztartzen ditu. Proiektu ugaritan arduratu da argazkiaz eta kameraz, hala nola La Noche del Ratón (2015) fikziozko film luzean eta Medvedek (2019) film dokumental laburrean. Ura Sartu zen Barrura da bere lehen lana zuzendari modura, eta Punto de Vista jaialdiko Paisaia sailean estreinatu zen, 2020ko edizioan.