04/05. Asteazkena

19:15 Principe Zinemak 10

Mija

Isabel Castro / Estatu Batuak (Opera prima - Espainiako estreinaldia - 2022 - 90’ - VOSE)

Erosi sarrerak

Doris Muñozek etsiki sentitzen zuen nerabe zenean entzuten zuen indie musikaren ordezkaritza hobe baten nahia. 23 urterekin, nahi horri heldu zion, eta musikako talentuak kudeatzeko ibilbideari ekin zion, grina handiz defendatuz goraka zetozen artista latindarrak. Berehala lortu zuen arrakasta, eta oinarri bilakatu zen komunitate bat bilatzen zuten lehenengo eta bigarren belaunaldietako estatubatuarrentzat, baita agiririk ez zuen bere familiarentzako sostengu ere. Hiru urte beranduago, musikaren munduko bere lana birplanteatzera bultzatuko duen albiste bat jaso zuen bat-batean. Krisi une horretan, Jacks Haupt aurkituko du Dorisek, etorkizun oparoko abeslari chicanoa, Dallasen (Texas) bizi dena, eta gurasoen etxetik irteteko irrikaz dagoena. Elkarrekin bizi izandako une alai eta itxaropentsuetatik haratago, Dorisek eta Jacksek harreman estua egingo dute, haien agiririk gabeko familietan Estatu Batuetan jaiotako lehenengoak izatearen betiereko erruagatik eta haien ametsak lortu nahiaren finantza-arriskuengatik. Haientzako, arrakastaren presioa areagotu egiten da, haiengan jartzen baitute familiek bizileku-txartela lortzeko eta familia berriro elkartzeko itxaropena. Mija etorkinei eta haien seme-alabei zuzendutako maitasun-eskutitz hunkigarria da. Isabel Castro zuzendariaren opera prima intimo honek haien familien, ametsen eta norbere buruaren alde borroka egiten duten alabei zuzendutako maitasun-eskutitz etereoa eraikitzen du.

Fitxa teknikoa

  • Zuzendaria: Isabel Castro
  • Urtea: 2022
  • Herrialdea: Estatu Batuak
  • Iraupena: 90 min.
  • Jatorrizko hizkutza: Ingelesa
  • Protagonistak: Doris Muñoz
  • Produktoreak: Isabel Castro, Tabitha Breese, Yesenia Tlahuel
  • Produkzio etxea: Tertulia Pictures

Isabel Castro

Isabel Castro

Isabel Castro zinemagile mexikar-estatubatuarra da, Emmy sarietarako lau aldiz izendatu dutena. Kazetaritza eta artea konbinatzen ditu, immigrazioari, eskubide zibilei eta identitateari buruzko istorioak kontatzeko. Mexiko Hirian eta Los Angeles bizi da. USA v Scott (Tribeca 2020, The New Yorker) Emmy sarietarako izendatu eta saritutako dokumental laburra zuzendu, ekoiztu eta filmatu zuen Castrok, baita Emmy sarietarako izendatutako Darlin dokumentala (Tribeca 2019, NYT OpDocs) eta Emmy sarietarako izendatutako Netflixeko Pandemic dokusaila ere. Bere lehen proiektuak, Crossing Over (Univision/Participant Media), dokumental onenaren GLAAD Media Award saria irabazi zuen, 2015ean. Bere lanari buruzko Crossing Over-eko elkarrizketak beste bi GLAAD saritarako izendatuta egon ziren. Hamarka erreportajetan aritu da ekoizle, zinematografo eta New York Times egunkarirako kazetari multimedia; ekoizle lanetan jardun du The Marshall Project, Edward R. Murrow saria irabazi zuen erakundean, bi denboralditan izan zen HBOko VICE telesailaren ekoizle –Emmy sariaren irabazle–, eta ekoizle jardun zuen HBOk VICE News Tonight eskubide zibilak eta politika lantzen dituen eta Emmy saria irabazi zuen albiste-saioan. Mija da bere lehenengo film luzea. Concordia Studio ekoiztetxeko artista egoiliarra da Castro, eta “Zinema independentearen 25 aurpegi berrietako" bat izendatu zuen Filmmaker Magazine-ek, eta “40 under 40” DOC NYC-ek, 2021ean biak.